收到梗係要幫大家試用下啦
零件唔多，只有6件。不過手感幾好，因為中間件同個濾咀位(零件圖最左及左二)都有重手下。
之後買左包MIDDLE ROAST 既GROUND COFFEE 黎試下
要注意既係，因為佢唔係同防水膠邊而係用"及位"去防漏水，所以各位要扭實既時候亦要用陰力去上實佢，建議洗機時用凍水試下位先。
到實測部分啦
用零件圖最右下上粉，之後放係中間個件FILTER度再入濾咀。
再扭實各零件開始PUMP實佢啦，MANUAL 寫要PUMP 6下，不過我覺得PUMP6下之後可以等熱水同咖啡溝下先再PUMP。個PUMP真係唔係好使用力，當然唔計要好型咁單手揸PUMP啦。
最後就倒轉個出水位開始"PUMP 奶"，唔係應該係"PUMP 啡"，PUMP 到佢無奶出就大功告成。
試飲感 - 以手提 / 唔用電 既咖啡機黎講，佢做出黎既ESPRESSO已經夠交功課有找，當然同大機出既ESPRESSO 仍有距離。但佢一上粉可以同你上山下海飲咖啡，你當然唔會對佢有投訴啦。
不過真係唔建議買CAPSULE版本，因為我都查唔到佢CAPSULE用乜SIZE，另外亦都唔想限死自己用邊一家CAPSULE。
