美國國務院和軍方對台灣的想法其實無啥仝款，國務院會較要意如何影響整體外交情勢、和中國的關係以及盟友的想法，但是軍方較關注台灣本身的軍事戰略價值，兩爿的意見有當時會互相衝突，毋過因為相關細節無法度一一說明，所以並無佇影片當中呈現。
事後來看，美國認為中共和蘇聯關係會起變化的預測其實無毋著，只是時間估甲傷早，一直愛等到 1960 年代中蘇關係才會惡化，後來也成做中共和美國關係改善的重要因素。
韓戰爆發進前，蔣介石佇日記當中寫下「四顧茫茫，只見里暗棲慘，已無我生存立足之餘地 。」可見彼當時伊有偌爾仔絕望。
韓戰爆發了後，杜魯門甚至有想過共台灣當做是日本的一部份，交予駐日盟軍總司令麥克阿瑟管理，但是這个想法並無成為可能的政策。
