關於寫羅馬字
雖然一開始讀起來蓋痛苦，毋過慢慢仔較熟發音方式了後，佇咧無確定發音ê時陣，羅馬字是真hó幫助學習甲矯正發音个工具。親像「發音」的「音」，我進前讀做「in」，其實是「im」，喙愛闔起來。羅馬字定定提醒我正確ê喙形甲發音。

關於寫華語
這是我上界躊躇ê。躊躇啥物leh？

開始寫台文了後，我定定煩惱我大部份的朋友應該無法度讀有捌。我雖然感覺使用母語是一件真光榮ê代誌，嘛認為母語ê存在本身就是一種主體性，無應該因為大部份ê人看無，著來放棄使用。但是，我嘛淡薄仔煩惱：按呢做，時間tsit久，無的確大部份ê人煞來對台語止步？我甘需要甲台語做伙翻做華語leh？

我本來感覺這是語言權力ê角力，台語因時代造成ê弱勢，成為伊欲復興ê困難之一。

毋過，當leh煩惱，共學團拄仔好咱共讀一本冊《權力甲無知》。阮討論著「語言ê權力」這leh想法，領隊小賊煞予我意見：伊感覺，「想欲加入華語」顛倒是「權能/充權」ê表現---盡力予大部份ê人會當加入。若是不管大部份ê人看有看無，攏寫家己ê，大家看無嘛無差，這敢毋是「自願無能」、放棄連結ê心態？

我問我家己，確實佇心內是tsit兩種想法ê躊躇。所以，我決定：雖然較忝，也是保留華語ê版本。

台文書寫目前對我來講，猶原是真需要練習、真慢个過程，有時陣寫出來了後，我閣返去讀，看敧來閃閃爍爍、離離落落，連我家己嘛看無XD！

所以，除了對袂曉講台語ê朋友好讀以外，華語暫時嘛是我檢查語義个工具。希望慢慢仔會當生出台語ê思考邏輯。

缺點就是：愛寫3遍，忝！

【Tâi-bûn Lô-má-jī】

Tsuè-kīn tuì "ha̍k-si̍p /siá Tâi-bûn" koh ū sin ê siūnn-huat
https://vocus.cc/article/5e714db9fd897800014fd68c


關於寫羅馬字
雖然一開始讀起來蓋痛苦，毋過慢慢仔較熟發音方式了後，佇咧無確定發音ê時陣，羅馬字是真hó幫助學習甲矯正發音个工具。親像「發音」的「音」，我進前讀做「in」，其實是「im」，喙愛闔起來。羅馬字定定提醒我正確ê喙形甲發音。



Khai-sí siá Tâi-bûn liáu-āu, guá tiānn-tiānn huân-ló guá tāi-pōo-hūn ê pîng-iú ìng-kai bô-huat-tōo tha̍k ū bat. Guá sui-liân kám-kak sú-iōng bú-gí sī tsi̍t kiānn tsin kong-îng ê tāi-tsì, mà jīn-uî bú-gí ê tsûn-tsāi pún-sin tiō sī tsit tsióng tsú-thé sìng, bô ìng-kai in-uī tāi-pōo-hūn ê lâng khuànn-bô, tio̍h lai hòng-khì sú-iōng.

Tān-sī, guá mà tām-po̍h-á huân-ló: Án-ne tsò, sî-kan tsit kú, bô-tik-khak tāi-pōo-hūn ê lâng suah lai tuì Tâi-gí tsí pōo? Gua kam su-iàu kah Tâi-gí tsò-hué huan tsò Huâ-gí leh?

Guá pún-lâi kám-kak tse sī gú-giân khuân-li̍k ê kak la̍t, Tâi-gí in sî-tāi tsō-sîng ê jio̍k-sè, sîng-uî i ho̍k-hing ê khùn-lân tsi i.

M̄-koh, tng leh huân-ló, kiong ha̍k thuân tú-á-hó kiong tha̍k tsit pún tsheh 《Khuân-Li̍k kah Bû-Ti》. Guán thó-lūn tio̍h "gú-giân ê khuân-li̍k" tsit leh siūnn-huat. Niá-tuī Sió Tsha̍t suah hoo guá ì-kiàn: I kám-kak, "siūnn-bueh ka-ji̍p Huâ-gí" tian-tò sī "khuân lîng" ê piáu-hiān---tsīn li̍k hōo tāi-pōo-hūn ê lâng ē-tàng ka-ji̍p. Nā-sī bô kuán tāi-pōo-hūn ê lâng khuànn ū khuànn bó, lóng siá ka-kī ê, kám-kak ta-ke khuànn bô mà bô-tsha, tse kam m sī hòng-khì liân-kiat ê sim-thài?

Guá mn̄g guá ka-kī, khak-si̍t tī sim-lāi sī tsit nn̄g tsióng siūnn-huat ê tiû-tû. Sóo-í, guá kuat-tīng, sui-liân kah thiám, mā sī pó-liû Huâ-gí ê pán-pún.

Tâi-bûn su-siá bo̍k-tsiân tuì guá lai kóng, iu-guân sī tsin su-iàu liān-si̍p, tsin bān ê kuè-tîng. Ū-sî-tsūn, siá tshut-lâi liáu-āu, guá koh tńg--khì tha̍k, khuànn khí-lâi siám-siám-sih-sih, li-li-lak-lak, liân guá ka-kī mà khuànn-bô XD!

Sóo-í, tû-liáu tuì buē-hiáu kóng Tâi-gí ê pîng-iú hó tha̍k í-guā, Huâ-gí tsiām-sî mā sī guá kiám-tsa gú-gī ê kang-kū. Hi-bāng guá bān-bān-á ē-tàng senn tshut Tâi-gís su-khó ê lô-tsi̍p.

Khuat-tiám tiō sī: Ài siá sann páinn, thiám!
https://vocus.cc/article/5e714db9fd897800014fd68c