獻給哈勃的退休禮物（第二季——續航至宇宙邊緣）（三十五）牛頓。希格斯。愛因斯坦所講嘅基本相同⋯所有證據直指銀河旋臂唔會轉散架一定唔關暗物質事！
第一個有請有聊得很個偶像愛因斯坦⋯
廣義相對論係五維嘅！有聊得很話嘅！
講下笑啫🤭
查實係有聊得很做少少註釋啫🤭
愛因斯坦本來係話質量（例如星球）嘅重力效應令三維空間扭曲。
好多人以為三維空間扭曲就真係三維空間扭曲咁簡單，會唔會好似將個膠公仔扭曲咁呢？其實呢個睇法完全錯！
實情係三維空間向第五個維度——勢維度陷落（愛因斯坦好似真係冇一隻一隻字咁樣講）。但係，愛因斯坦嘅意思根本 100% 就係咁！
勢維度根本就係第五維，成個廣義相對論最佳嘅解法根本就係咁。
唔簡止咁，當星體移動嗰陣時，呢個向勢維度陷落嘅坑係跟住個星體一齊走嘅。
即係太陽有太陽向勢維度陷落嘅坑，地球亦都有地球自己嘅向勢維度陷落嘅坑，月球都有⋯連一個人都有，包括我同睇緊獻給哈勃的退休禮物嘅你。
質量越大或者越密向勢維度陷落得越深。銀河系中心黑洞係無限深嘅，銀河中心附近嗰個一萬光年嘅大 bulb 都好深⋯質量較細嘅星系就淺 D （進一步嘅解釋留返比牛頓🤭）
第二個出場嘅登登登凳梗係偶像希格斯大人啦！
希格斯根本喺愛因斯坦之前都講過類似嘅嘢。
希格斯話：當星體走過嗰陣時，希格斯場就會被排開。當星體完全過咗之後個希格斯場就會還原⋯
呢個講法根本同愛因斯坦嘅講法非常咁類似，只係用詞唔太一樣啫。
如果用有聊得很嘅講法，呢個仲叫宇宙維度勢能添（不過有聊得很嘅睇法唔局限於個別星體嘅，而係整個宇宙整體嘅宇宙維度勢能）。
而且，有聊得很真係要 modify 一下兩位大師嘅理論：
第一點要modify 嘅，有聊得很認為要加牛頓第三定律落去⋯
星體走過嗰時，當然會影響到周圍嘅勢啦。但係如果個勢有變化又會影響返個星體嘅。
簡單 D 講，星體嘅任何移動同勢場嘅變化係互動嘅。所以喺大尺度嚟睇（例如銀河旋臂先明顯，太陽系就唔明顯），如果好多星體一齊嘅話，全部就會喺個大坑度拉扯著變咗一堆麥芽糖咁啦。要離開堆麥芽糖就要還自己欠嘅勢能，即係要用動能去換，換咗都減速啦，減咗速就冇可能轉散架啦，況且，水會唔會向高流吖！？！所以銀河旋臂亦都係一條弧形勢維度嘅大坑裏面嘅一個整體，所以係整條旋臂整體咁轉，轉速又點會唔近乎平均呢（當然，可以有少少變形嘅，但係要用能量去換囉）！？！
第二點要 modify 嘅係，牛頓話勢同勢能要加起嚟嗰陣時要用 scalar sum 嘅，即係直接加。
所以，簡單 D 講，整個宇宙所有星體造成嘅勢全部可以累積嘅，方法就係用 scalar sum 嘅方法嚟累積。
例如：地球表面嘅勢因為地球嘅原因=-GM1/r1因為月球嘅原因=-GM2/r2因為太陽嘅原因=-GM3/r3⋯
即係地球表面嘅勢就會變成好多個星球嘅影響加埋，就等於summation of(-GM/r)
亦即係話周圍星體質量越大越密呢個summation of(-GM/r)個絕對值就越大（負得越深）
銀河系中心黑洞一定係最深嘅。周圍一萬光年好多球狀星團嗰個大 bulb 其次深。
銀河旋臂近中心大 bulb 嗰頭再其次深，一路拖向尾就越嚟越淺。
即係話，銀河系中心如果考慮埋第五維（勢維度）就係一個無限深陷落向勢維度嘅坑，周圍個一萬光年嘅大 bulb 亦都係向勢維度陷落嘅一個第五維——勢維度嘅大 bulb 。再周圍嗰幾條旋臂亦都係幾條弧形陷落向第五維（勢維度）嘅弧形大坑渠（越近尾越淺）。
再即係話⋯
幾條旋臂裏面嘅星體會有個勢向低流嘅趨勢就好似百川匯流咁，好似水向低流咁，所有星體有個無形嘅趨勢緩緩咁由外至內沿住銀河旋臂嗰條勢維度大河流向中間個勢維度大 bulb 度甚至流去銀河中心黑洞個勢維度無限深嘅嗰個坑，但同時整個銀河旋臂喺自己個勢維度形成嘅十萬光年以上嘅弧形河流形嘅坑度整體咁繞住銀心公轉（注意❗️係整體咁公轉），個所需向心加速抵消咗上面勢向低流嘅影響而形成平衡狀態，所以就出現依家我哋眼前見到嘅整條銀河旋臂穩定咁公轉嘅情況啦。
最後結論：阻止銀河唔會轉散架嘅絕對唔係暗物質！而係銀河旋臂自己嘅質量造成向第五維——勢維度陷落嘅「勢維度大坑渠」造成嘅！（呢條圓弧形嘅勢維度大坑渠又真係有 D 似儍瓜瓜嘅講嘅十萬光年直徑嘅 Dark Matter Donut 喎！但係絕對唔係暗物質囉🤭）。（所以天文學家咪以為暗物質好似個銀河包衣 Dark Matter Donut 平均分佈喺銀河嘅外圍呢 D 咁荒謬嘅嘢都講得出囉！）
重要嘅嘢再講多次：阻止住銀河旋臂唔會轉散架嘅係銀河旋臂自己嘅質量造成向第五維勢維度陷落嘅「勢維度大坑渠」而唔係荒謬絕倫嘅 十萬光年直徑嘅「Dark matter donut」！
好啦，可能仲有人問，縱使上面講嘅全部都啱，點證明呢 D 銀河旋臂向勢維度陷落嘅大坑足夠阻止銀河旋臂上面所有嘅星體唔會飛散呢！？！
第一證據：由維基查到嘅由地球表面出發嘅「逃逸速度」：要逃離地球嘅係11.2km/s要逃離太陽系嘅係16.7km/s要逃離銀河系嘅係525km/s而太陽繞銀河公轉嘅速度係220km/s左右
再加上牛頓話-GMm/r=1/2mv^2
即係「勢」（-GM/r)=1/2v^2
亦即係話，有聊得很可以用呢個1/2v^2嚟驗證一下「地球嘅勢」、「太陽嘅勢」同「整個銀河嘅勢」有幾深，要幾多能量先可以逃離（亦即係要幾多動能先可以轉散架啦）？
根據上面個要逃離銀河系嘅逃逸速度/太陽繞銀河公轉嘅速度嘅比例去睇，v^2嘅比例去到 5.7 倍！
亦即係要太陽系脫離銀河嘅勢轉散架逃離銀河旋臂甚至逃離銀河系至少加多「四倍以上動能先至夠」！
有聊得很當然冇能力去逐個星系去計去證明每一個都好似太陽系咁因為嗰條「陷落喺勢維度嘅大坑渠」永遠冇能力轉散架（但係至少有聊得很證明咗比你睇太陽系一定走唔甩囉）⋯
不過咁⋯
有聊得很非常肯定當初做電腦模擬測試嗰班天文學家（呢⋯可能係老作暗物質嗰班囉）冇將第五維——勢維度同勢能動能互轉嘅影響精細咁加落個電腦模擬測試度。
有聊得很 100% 肯定，加返落去銀河旋臂就冇可能轉散架㗎啦！
你哋班天文學家有緣睇到呢篇嘢就跟住做下測試啦。
以後唔好淨係識計「力」！牛頓教你哋嘅除咗「力」，仲有「勢」同「能」㗎！
仲有呀！愛因斯坦講嘅廣義相對論係要用五維度（三維+時間+勢）去睇㗎！唔好再用三維嘅程度去睇啦！唉！成百年啦⋯都仲未睇得明！唉！
有聊得很好肯定成百年嘅天文學謬誤就咁就解決咗㗎啦！
密切留意⋯
coming soon⋯
登。登。登。凳⋯
有聊得很腦殼中嘅 真。科。幻 
獻給哈勃的退休禮物（第二季——續航至宇宙邊緣）（三十六）唔單止暗物質荒謬！暗能量更加荒謬絕倫！！！
即。將。上。映
作者：有聊得很（manbolo88)
想睇下一集嘅請按：
想由第一集睇嘅請按：
想睇歐頓紀元嘅請按：
想睇獻給哈勃的退休禮物第一季嘅請按：
想睇驚情六百年嘅請按：
想睇狂想科幻應用系列嘅請按：