HEDI1205 wrote:
如果當時中華民國政府沒帶過來 文革時不知道會不會被波及到?
沒帶過來跟本就死光光了…
文化大革命
出自維基百科，自由嘅百科全書
無產階級文化大革命，簡稱文化大革命、文革，係指喺1966年5月一路到1976年10月嗰陣喺中國入面，由中共阿頭毛澤東帶頭搞出嚟嘅一場政治運動，通常以三個階段理解，第一階段即係喺1966年5月嘅中央政治局擴大會議同8月嘅第八屆十一中全會通過發動「文化大革命」，同時通過《五．一六通知》同《關於無產階級文化革命的決定》開始咗文革。到第二階段，即係喺1969年4月中國共產黨第九次全國代表大會召開之後，開始咗一場全國性「鬥、批、改」運動，連前國家主席劉少奇，元帥彭德懷、賀龍等等都俾人迫害至死。
1971年，毛澤東嘅接班人林彪墜機死咗之後，令文革降溫，1973年8月，江青、張春橋、姚文元、王洪文喺中央政治局組成「四人幫」，展開「批林批孔」運動。到1976年1月8號，總理周恩來死咗，全國人民自發嘅悼念活動演變成反四人幫群眾運動。一路到1976年9月9號毛澤東死咗之後，由華國鋒、葉劍英、李先念為核心嘅中央政治局打擊四人幫，四人幫倒台之後，華國鋒正式做咗毛澤東接班人，出任中共中央主席（黨主席）。1977年8月，中國共產黨第十一次全國代表大會正式宣佈文化大革命結束[1]。
文革期間，對全中國造成翻天覆地嘅破壞同損失，所以又有人叫呢場文革做「十年浩劫」。
