PBP Randonneurs (Paris-Brest-Paris / 巴黎-布瑞斯特-巴黎) 是四年一屆在法國舉行的 1200 公里極限長途自行車騎乘活動， 由1891年開始的最初每 10 年一屆， 及後自 1931年後改為每 4 年一屆， 已有120年歷史， 今年是第18屆。 活動有超過 40 多個國家約 5000 名單車運動員參加， 參加者需要在短短 90 小時內完成 1230公里。 夠吸引吧！
今年已經係第18屆
在 1921 年成立的 Audax Club Parisien (ACP) 致力推廣非競賽單車漫遊活動，活動里程為 200、300、400、600、1000 公里 及 於 1931年 開始每四年一度的 PBP 1200 公里。這些活動的名稱為 Brevets Randonneurs Français。 自 1975 年，參加 PBP 必需通過 200 至 600 公里認證，以證明參加者是訓練有素。
活動的名稱於 1976年改為 Brevets Randonneurs Européens 及於 1983年改為 Brevets Randonneurs Mondiaux (BRM)。所有 Brevets Randonneurs Mondiaux 的主辦單位必須申請及遵守 BRM 的規則。
現在，你可以在五大洲超過三十個國家及地區參與 BRM 認證活動，感謝 Les Randonneurs Mondiaux 協會集合各地的代表。
香港初接觸 2013年3月份RHK 200km BRM R1 (200K 認證之旅)
如何開始
說來話長..當2013年第一次係香港接觸Randonneurs長途..就俾佢吸引,由200K開始,因為係香港踩100K我地已經大約繞了一圈,對初接觸200K時,已經覺得很有挑戰性,隨著香港不斷行200同300K後,身體及耐力不知不覺都強化多了,很深刻印象當完成香港300K,覺得踩400同600好困難,就聽到完成1200K車友分享,當你完成後,300K真係好易踩完,當日的我已經沒法想像了..
香港200K路線,已經繞了成個香港.
當香港未搞400K..多謝基哥已經帶我去出國去台灣挑戰台灣400,隨後香港,泰國都有玩類似長途,
除左台灣,也參與過泰國400K長途活動
不斷去挑戰~大家都對4年一度法國1200K為目標,可惜係2014年5月600K(台灣)第一次賞試完賽不能..明後身體質數及能力,令我開始感覺有D迷茫,因為腳指麻痺係一直困擾我踩長途的問題~當時2絛路,一係繼續挑戰,一係放棄..
第一次600K失敗後,終於可以係14年尾完成國內600K,多謝一班車友支持
經過少少迷茫期後重新出發,由體能,踩車方法去改善,檢討,最主要心態改變,終於係上年11月挑戰600K(國內)成功,(因為香港地形有限,600K唯有出國去完成),為自己打下強心針,之後再跟JOE,堡主去KOREA 踩1200K,當時心態係去學野,除左好開心踩完外,最重要係得到經驗.可惜完氣大傷..路線及辛苦情況都超出預期,之後一星期後去左泰國踩300K,過一星期又飛左去台灣玩雙進武嶺..一個月後,高估了自己體能,以後有1個月時間可以回復狀態,盡量出發前,同自己調整心態,唔好俾自己太大壓力,影響發揮,最重要,沿路有賊船一班好兄弟去安排行程,真心感謝
2015年6月份 Korea Randonneurs 韓國1200K ,第一次完成1200K,過程最大得著拎到好多經驗,今次係法國亦都可以用得著
準備出發到會場,當時仲著住件防水衣,之後80K位置唔見左..
超級騎士章終於到手（年度挑戰200，300，400，600完成）
我地係S組別,19:45出發,要19:00後報到,排隊出發,場面人山人海
今次出國戰車為 BH公路車,特別噴上法國色,感謝LOCK ON 老闆阿樂幫手安排
今次1200K路線圖 PARIS出發去BREST再沿路回PARIS
今次出發要面對問題,第一係時差問題,第二係踩夜車出發,平時早上起步,踩約15,6小時夜晚可以有時間休息,今次起步時間已經係夜晚,休息時間需要調整,第3,出發前水戰抄車,好彩冇大外,但有少少陰影,同埋氣溫問題,令到衣著同防水衣都要跟足係車
當日時間為19:45(S組別)分起步..我地19:00左右去到會場,準備排隊出發,心知我們只係得一個鐘多少少時間係日車,之後要捱一個通宵先,起步車速都跟到大集團,我同阿HIM好快已經去到頭車位置~見到遠遠一絛火龍,好狀觀,差唔多2小時後,已經見到堡主及其他車友已經不斷追上黎.而我們入夜後,眼訓感覺好快有..令我地之後不斷搵地方路倒休息..同埋路線係不斷上落,簡單講係香港鹿頸加長版,斜路好易搞轉數上,但好快又落斜,因為係全黑,需要集中比較多精神去處理,變相體能消耗外..精神上也是
時差問題,第一日踩已經入黑,需要不斷路倒休息..很辛苦呢..
對上4年有2個香港人首次參加,今年已經增加到26位香港人參加,多謝2位係香港推動長途活動
到達80K,因為將外套放係背心同車衣中間,因為買水拎銀包,連唯一一件保暖同防水的衫唔見左..之後因為天氣涷想著時發覺已經唔見左..心中已經好不安,因為擔心再涷或有雨,成功率已經下降,當時只好用求生氈放係車衣入面用黎擋風及保暖..好彩最到CP位,有車衫買(果然係一個商機),用100元(歐)買了一件厚身車衫,比想像中好,有少少防雨,同埋保暖好..因為當時0400起步,出面已經跌到單位數溫度...
CP1 MORTAGNE-au-PERCHE 140K 來回都會經過呢個CP,大會都準備食物,而我亦係到買到件保暖外套,同埋休息
因為早上同入夜比較涷,我當時用左要求生氈放係衫中間,用黎保暖,效果非常好,最涷個時,我用左2張
1200K中,平路佔的比率比較少,每個CP約80至100K左右,上升約1000,每個CP時間都預得剛好,不同以往玩的長途,可以到達CP後,時間會鬆動,今次法國最難踩係時間,而不是路線~休息機會變相少,過程不斷上上落落..同晚上路線費少不少精神力(因為香港夜晚踩車,街燈都好充裕,而當一個地方全黑時,變相用精神多左去睇路,而山路落斜比較傷神)
已經記不起大約幾多KM,路面會有法文,這路段相信就是環法路線其中一絛,坡度不斷又上又落.好玩
600K BREST 到達…踩埋CP就可以沿路回PARIS
沿路入村都會看到好多不同歡迎單車的擺設
其中一個CP境點,古堡,現場看很宏偉呢.
沿路補吸未必多,多數靠CP位,或居民的小食,我自己就準備定,係重左少少,男人的浪漫
漫長斜坡,遇番賊船兄弟~
今次1200K最辛苦係入黑同天就光時,個人精神變得糊裡糊塗,眼訓指數係100%,只要有位可以路倒,不消一秒已經睡著,對抗睡魔方法,我會成日自己同自己講野,打自己面,同大叫,最有一晚仲要俾阿him話(你hea夠未,你咁樣踩一定唔夠時間)其實我都好想快,但精神同肉體唔聽話..但只要捱過啖氣,唔好俾自己停,精神回復,有意識時就可以踩番快,好彩最後回到氣,但個cp又係鬼鬼地..踩到得番2,3k都見唔到市鎮,仲要全黑,都好擔心係唔係走錯路,仲要係咁上斜..當時同阿him已經有共識,快踩(之後佢又話我仲乜扯咁快追唔到,我呢個拍擋好可愛呢)..到達時諗住應該係最辛苦絛路已經踩完...如是者做了關門黨(意思每個CP關野前到達),好欣賞沿路可以記底發生過程同大家分享,我只能用少數記得的片刻同大家分享,過程中,自己精神好時會盡量踩快點,如果時間比較急,會跟一D外國快車手(其中一個CP與CP之間路線比較急,跟到一個外國車友,佢唔介意俾我們跟尾食氣流,KEEP住近40到達CP)時間同體能都會慳唔少,如果精神唔足夠,會慢慢按番節奏同平衡輸出個火數,控制一定速度前進再計距離時間.
今次落地袋位置分別4百幾同7百幾左右,估唔到你想搵地方訓都要俾5歐元,呢5元我覺得值得比,因為入到去...好狀觀..可惜相機影得唔好,當時有幾百人包哂白布訓...而我只係可以訓到一小時就要繼續上路.
發覺下個cp時間又係好緊迫..又要追過,每次都係關門時間剛剛好...最記得去cp14時...早上我眼訓踩冇哂意識,只係叫自己不停踩,當我有意識時,身邊已經冇哂人,睇番時間,真係要爆車...踩長途今次又有紀錄,唔駛30分鐘走20k..之後追番d人,仲同alan一齊走到cp14...輕鬆一口氣,
CP14 仲有約50定60K左右,大家係最後CP撞番,互相鼓勵,互相支持,當時要面對天氣開始落雨同氣球下降
見番好多香港車友,好感動,之後個天就下大雨..好似每個cp都要俾你唔同挑戰~但當時我心想,好彩係最後呢日先落,如果早幾日落雨就真係....
最後衝向CP 14,AV 35以上..同ALAN拍住搵CP
之後落雨上哂防水裝備,(不過新買的防水帽子又不見了…好彩有浴帽頂住),不久太眼訓,又落後得番自己~沿路見到有路人開傘問要唔要飲品,我問佢有冇洗手間借,佢又好好人俾我入去屋內用..(當時我係全身濕哂)佢唔介意不突止,仲要毛氈幫我保暖,沖飲品俾我,同埋俾D零食我帶上身(好彩有拎,最後太肚餓頂住肚)休息左陣出發,
賊船WHASTAPP GROUP相助,幫我打定法文,搵到藥房買藥止肚痛,應該係水肚不服,今次旅程去左11次洗手間開大,浪費左唔少時間
點知一開車就爆胎,佢二話不說就幫我換胎仲要俾內胎我上路,好感動,過程除左踩之外,發覺當地人真善美..呢絛路線有100年歷史~可能佢地每4年都好期待呢個活動~最後個人開始放鬆,用另一種心態慢慢享受,沿路我都諗,外國人對長途真係充滿激情,不分車種,車輕或重都係照踩,但相對係香港的我們,就感覺係一份挑戰~
過程精神唔夠,影相唔多.但沿路風光已經記在腦海..期待4年後再度欣賞
最記得前一日拎車手包時,車友間對話唔係講緊第一次黎,係問緊人玩左第幾次,聽到有人講玩左8次...(4年一次活動)太利害了...
當係國外踩車有個好處,沿路一絛大直路,冇車冇人,你會好爽,但如果你精神唔好,就會好眼訓..
係CP14後出發經過爆胎事件後,自己都鬆左一口氣,知道就到終點,慢慢影相拍片,點知看看手錶,SHIT..玩大左,發覺原來時間上好緊迫~最後10K都要爆車返終點,當時好擔心自己唔得,因為諗起好多因素,市區會唔會多車,多唔多燈位,會唔會行錯路,同會唔會爆胎等等....仲有最後係不斷上斜...到達計時器後,仲要踩多2K先到會場,當時個心好激動,自己一直想追求的目標就黎成功,過程中成日俾人笑,俾人睇唔起,到當日已經唔重要,因為自己知道自己想要咩,隻眼已經眼濕濕,到達終點...見到老婆,個人腦海已經一片空白...成了,唔知道將來仲想挑戰乜..但呢一刻為自己付出已達到夢想仲回味緊..
到終點見到一班兄弟~好感動..多謝你地一直支持及付出..
我地得左了...最後香港有11位車友完成,恭喜大家
總結
6月踩完韓國1200K,未回到氣就好快去左唔同地方踩..高估左自己狀態同體感,今次完成真係幸運成份多,如果問我韓國同法國相比,韓國斜路真係頂腳,斜路長,但辛苦完會有時間可以休息,法國今次時間比較難調整,好少時間休息.咁短時間完成2次1200...感恩..
但因為有韓國經驗,對長途平衡輸出同用力方面今次比較好左,休息一晚後,身體行行走走都沒有大問題,但見同行車友好多都整傷了.可能谷得太行.
另外今次時間緊迫其一,估計對當地水喉水唔適應,沿路搵左11次洗手間開大,我了解教堂會有,CP一定有,不過排隊排好耐,最舒服當然係問當地人屋企啦..回來先發現,原來都有唔少人有呢問題~我當每次10至15分鐘,呢到都冇左我3小時休息時間..每次都係洗手間合埋眼休息,用圍巾擋住面,感覺會舒服D...好彩都腳冇乜點軟..
每個城鎮都會有教堂,同埋一定有洗手間(今次肚痛最大得著發現)
如果你問我有冇諗過放棄?我會答你有,仲會講埋粗口,但只要想深層諗,放棄唔踩俾繼續踩仲難受,因為我係過來人....其實踩完同踩唔完都好多因素,除左自己之外,天時,地利,人和都好重要,報名參加已經係挑戰自己第一步,因為成巧與否都有好多因素,能參與,能平安,已對我黎講已經滿足..
能出國見識今次盛會好難忘,有幸參與長途後去過不同國家挑戰,台灣,國內,泰國,韓國,每個地方都有唔同風味,但共同之處,大家都好熱愛單車,不分車種,年齡,能參加,能完成已經係強人,踩長途單車令我學會更多方法,增強自己心態,我覺得做運動係可以令到自己增加正能量,大家會諗方法去完成,而唔係成日出口術去踩車,係俾人感受到熱情..呢個係我見識,快同慢唔重要,最重要係享受過程完賽~
期待香港長途活動黎緊會有新一輛更正面風氣,吸引更多香港車友衝出香港~
感動完成長途後,發覺世界真係好大,原來外國仲有不同挑戰賽,內心又起了爭扎...1400K,1600K...山路....要好好地想了..
今次有經驗了,以往都幾次GARMIN都HAND機,今次終於可以紀錄1200K紀錄,亦都多謝太太係終點等我 4年一度法國pbp 1200公里長途騎乘完成 我的夢想裡，不能沒有你
活動完成後,原來相片需要購買 HK$3XX 有19張,但唔明張張都要大頭...
自從600K失敗後,了解原因,向體能方面提升
多謝LOCK ON 樂哥,幫我裝部BH(法國版)戰車,第一次長途就完成..感謝~
多謝EZ TEAM車友們,識左你地,令我更加強化單車部份
多謝星期2早團 好彩你地不斷提供爆計路線~我先知道原來好多人踩到,唔代表自己可以踩到,先可以令自己不斷進步
多謝HIM,一個新相識的車友,雖然同你識得唔耐,但我可以夠膽講同你經歷唔少生死...KOREA 1200K好彩你有,今次法國都好多謝你不斷鼓勵~
今年6月認識的新車友,阿HIM,雖然認識時間好短,但已經同佢一齊經歷2次1200K...今次多謝佢支持~
多謝基哥,多謝佢帶我見識唔同地方長途活動,等你好番,期待同你挑戰唔同地方同HEA踩
多謝一班賊船兄弟~冇你地支援我自己都唔知點算.
多謝一班賊船好兄弟~
多謝 RHK 主持及幹事,冇你地將呢個活動帶黎香港~都冇得玩.
2015年8月份第18屆
4年一度 Paris～Brest～Paris 簡稱PBP 1200K
路線
https://connect.garmin.com/activity/871639891
距離: 1,236.94 公里
高度增加: 12,213 公尺
平均溫度: 15.4 °C
左上CP1至2 左下為CP3至5
左上CP6至8 左下為CP9至11
左上為CP12,13 左下為CP14,15
官方網頁
http://www.paris-brest-paris.org/index2.php?lang=fr&cat=accueil&page=edito
stava 介紹:
http://stories.strava.com/parisbrestparis
完賽報告
http://shprung.com/pbp/?mode=country&ord=-6
自己不是讀書人,文筆比較口語化,希望黎緊俾心機,寫埋唔同地方長途可以同大家分享
凱旋歸來 巴黎凱旋門（法語：Arc de triomphe de l'Étoile），即雄獅凱旋門，位於法國巴黎的戴高樂廣場中央，香榭麗舍大街的西端[註 1]。是拿破崙為紀念1805年打敗俄奧聯軍的勝利，於1806年下令修建而成的。拿破崙被推翻後，凱旋門工程中途輟止。波旁王朝被推翻後又重新復工，到1836年終於全部竣工
過程中,看到PARIS日與夜..分別4晚3日,美景已記在心中,用言語及文字都無法記錄當中激情,只係想同大家分享,如有夢,就去追吧~
