話說上年呢個時候, 小弟"痕"的本色又發輝, 想配膠框眼鏡... 從衫褲鞋
牌子Gucci, D&G, Levi's, Armani, Prada.... etc. Sorry, 通通都唔係
好啱, 又雞姆咁大隻字印出黎喎, 之後睇D歐洲設計框架 Alain Mikli,
Starck Eyes, 本來都睇中Starck Eyes, 可惜, 帶咗之後, 感覺好似帶咗
安全眼鏡, 成個漢神偷咁..... !!! 會唔會我唔係好啱帶膠框眼鏡呢???
正當我絕望之際, 比我發現咗有一種框係好野黎... 就係日本手工設計架,
Japonism, Less Than Human, Masaki Matsushima, Factory 900 ...等等!!
終於搵到一副Japonism JN-409, 高質纖維(記住唔好叫膠, 其實係叫纖維),
加Beta-Titanium鉸, 超讚, Japonism呢個牌子就係益達健齒糖Extra,
OL教宗嗰個OL帶嗰副(JN-401)嘅牌子.... 但同時要付出接近三千個大洋!!!
自此, 上咗眼鏡引, 成日去睇, 冇耐又睇中JN-438, 好彩今年女皇話送比
我當生日同結婚禮物... 超開心.... 終於上星期敗咗JN-438 COL.03......
配1.6Hoya非球面鏡片, 好貴, 但好索.....!!!
不過女皇話我帶呢副JN-438好似好惡, 唔斯文, 想叫我配金屬框, 試過JN-435,
JN-445鎂金屬(magnesium), 係就係斯文咗, 但低調嘅炭灰, 黑色都冇貨,
得番銀色, 帶咗之後好奇怪, 你估個個都似譚詠麟, 劉松仁, 咁成熟咁形咩?
而且太高價啦, 剩框都成四千幾, 其實Yen價49,350咋嗎, 係香港D鋪頭食
水深....
JN-438由超靚嘅Pattern纖維, Beta-Titanium鉸, 特製高鼻托(For東方人Size),
半框Design組成, 就算用魚絲承托下半鏡片, 感覺仍然好實正, 衫褲鞋牌子嘅
眼鏡框一定造唔到.....!!!
