DSC_1849 by Ting Him Mak, 於 Flickr好多人問，點解會揀去青海省旅行？最主要嘅原因係自從上年去完雲南返黎，發現大陸有好多地方比想像中靚，亦都因為呢啲地方未完全開發，
交通又唔太方便，閒閒地都要坐幾個鐘車先去到目的地，短則2 - 3個鐘，長則 7 - 8個鐘。坐車都坐到暈，但去到見到眼前嘅景色，真係咩都抵返曬！
而且返大陸較入嘅城市，消費會比較經濟！出發前大約一個月到，開始睇下相關嘅資料，例如有乜景點、交通、天氣等等。以往嘅經驗話我知，"9" 行
永遠都係最好，唔需要特別編排好行程，跑景點其實好辛苦！所以到最後都無乜特別準備過啲乜就起行，住嘅地方都係去到先再搵。景點呀！睇天氣做人喇！
十四日嘅旅程 由深圳出發 西安返香港
沿路遊歷過以下嘅地方
西寧,青海湖,茶卡鹽湖,德令哈,敦煌,嘉峪關,張掖,祁連,西安
詳細會係日後慢慢介紹
-------------------------------------------------------------------------------------------------------------------------------
西寧係青海省黎講都算係一個大城市，地方雖然大但仲開緊發。佢嘅機場非常細，主要都係做內陸機為主，香港係無直航機去到當地，大部份人都會選擇西安轉機，航程大約一個鐘到。
深圳有得直飛 / 西安轉機過去，價錢比香港平一半有多，但單程機票都要 " 9 百幾蚊" 人仔！而且直飛嘅時間都比較衰。所以我哋選擇左早機出發，西安轉機，去到當地大約下晏兩點另鐘！
第一站
日月山
日月山係西寧去青海湖嘅途中會經過，未去之前，上網啲Comment反差都幾大，有人講到好正，有人講到垃圾都不如，反正渣車都會經過，一探無彷！點知去到真係嘩一聲，
乜叉野都無！伏味濃！而且氣溫急降，相都廢事影，拿拿聲去青海湖出發。
第二站
黑馬河鄉
西寧去日月山大約一個半鐘，由於第二日計劃去茶卡鹽湖，我哋決定直奔黑馬河鄉住宿一天，日月山去黑馬河車程大約 3 個鐘到，去到天都黑埋，中途會經過二朗劍景區。
去到黑馬河鄉，所謂嘅鄉原來只有大約 3 公里嘅街道，兩邊都係啲賓館餐廳！乜撚都無！同想像中出入好大 ！成日除左食左個飛機餐，乜都未食過，又餓又凍個種滋味確實難受！
當時天氣真係唔太好，仲要落住雨！係大陸嘅夜晚，暗淡嘅街燈 + 落住雨 + 滿地泥濘，真係"胃都反撚埋"，嘔撚心到呢！係大陸住真係唔需要點 Book 定先，特別係小城市，
去到慢慢睇，環境衛生，價錢公道，睇岩就可以即刻 Check In，最終搵到間 110 人仔 三人間，間賓館前門仲有間餐廳，極速食完個飯就返上去大被同眠。
由於天氣真係唔係太好，所以都無乜影相 ，出住張地標頂住檔先 :lol:
More at www.facebook.com/mth514
