唔知點解我部D300s用一排就會發現cmos上要有幾點好細的水點出現??
其實出現過2次, 兩個月前我影完相後, 發覺張相有類似水點的地方, 起初以為個鏡頭有水點, check過晒又唔覺, 但當我升起反光板時, 我就睇到有2-3點類似水點的東西在cmos上, 起初我用氣泵吹, 但吹極都唔走, 之後膽粗粗用清潔筆抹, 先知係水點, 抹完之後就無晒 !! 但估唔到兩個月後既今日, 影相時又發現有水點.........又係cmos上有水點
但我真係唔明點解會有水點在cmos上?? 照理由, 換鏡無理由會有水點飛到上cmos上, 前面有反光板擋住, 換鏡又唔會升起反光板, cmos有水點應該機會好微啊, 有塵就話難講啊, .....而且我換鏡好小心既, 換既過程2-3秒內完成, 我又唔多鏡(得3支), 又唔係成日換........
會唔會係快門機件的油呢??因為我抹時, 有跡要抹多幾次先可以抹走水點, 有無可能呢??
