中女屋企分別喺唔同時段出現過唔同牌子嘅空氣清新機, 中女要求好簡單, 第一: 外型靚仔放屋企唔核突; 第二: 身型要好啱香港咁寸金尺土既屋企; 第三: 可以減低我嘅氣管敏感咳; 但好可惜每部用咗好一段時間都發現其實都無乜改善。可能老公終於頂唔住我keep住每年差唔多大半年時間都係病同成日咳, 瞞住我走咗去買部勁野返嘢, 其實呢部Airgle都用左差唔多兩年, 因為keep住用左佢兩年真心覺得好用, 所以先敢推介畀大家。
話說當日出trip返到屋企，見到個廳多咗舊白色野，我即刻問老公係乜？ 佢話係空氣清新機，因為覺得我之前買個d得個樣，對我d氣管敏感咳無乜改變，而且用半年都無就要換filter, 而佢話橫掂都係買，今次買部好d, 貴買平用，好過買幾部都唔啱用仲嘥錢又浪費，中女表示好認同!
呢部Airgle外型白𠽌𠽌, 四四方方好靚仔!
我哋通常放係房既床頭位，完全無格格不入既感覺，仲可以放床頭燈上去，點都靚！
有時我瞓前睇個本書都會放上去方便攞
呢部機其實都好易用，得幾粒掣，夠簡單，啱曬電器白痴嘅中女。有個轉動開關，有5段風速可以調教
除非外面有廢氣入屋會開大d之外，平時都係開2風速就夠，想講一樣野就係佢真係超靜呀! 以前用個d基本上老公瞓瞓下會起身關機，因為佢好醒瞓，嘈到佢瞓唔到，但呢部靜到我哋以為唔記得開機。
老公話我太容易病，又病好長時間，話特登揀部醫療級有光觸煤既機，佢話光觸媒可以喺淨化空氣嘅時間做到同步殺菌。不過我有個發現，就係以前老公病嘅時候，通常都會同佢交叉感染，但自從用左呢部機之後，交叉感染嘅情況真係減少咗好多。
部機個mon有顯示filter life, 以我屋企為例, 因為我哋最主要係瞓覺時開嘅, 計埋大家病咗為免交叉感染而長開, 我哋差唔多一年半先需要換filter。
打開機身後面塊板, 就會見到最外面既filter
最外層係活性炭filter, 可以吸甲醛、異味，同埋隔一隔d塵。平時老公坐近窗會聞到樓下村巴嘅廢氣, 佢就會轆部機去佢隔離, 好快就無廢氣味。
入面個層filter係cHEPA filter, 用嚟隔d肉眼都睇唔到既懸浮粒子同致敏源
部機最裡面有個光觸媒組件, 用嚟殺菌既, 呢舊就係我之前講過減低咗我兩公婆流感交叉感染個舊野啦, 中女真係覺得好神奇!
機身有呢d貼紙，應該係d認證
對於有鼻敏感或者氣管敏感而又想買空氣清新機嘅你, 希望呢篇野作為參考有幫助啦！ 鼻敏感對於我還好, 影響唔太大, 但氣管敏感呢家野真係感受好深, 因為一轉天氣就發作, KEEP住睇醫生食藥D咳都斷唔到尾, 日咳夜咳真係好辛苦!
不過空氣清新機只係外在方法, 長遠計其實都要做下運動令自己抵抗力高D, 無咁易病, 因為鼻敏感同氣管唔多唔少都同身體免疫力有關嘅! 同埋要勤力D清潔屋企, 減少致敏原。
帶返個頭盔先 , D機全部真錢白銀買嘅, 全部都真係用過一段長時間先比較到, 當然D舊機轉送咗畀適合嘅屋企人同朋友啦, 唔浪費!
