(此文章已經被人於ixa-mobile.com內,神不知鬼不覺地刪去)
還我公道!
話說大約半年前﹐我o係謝x記買左部 Sharp 703SHF, 成 $2980, 聲稱一年保養。
我o係拒地度買機﹐都係覺得有保證﹐所以就算貴o甘多都要o係拒地度買!
大約一星期前﹐我部電話突然開唔到機﹐就算開到﹐幾秒後就自動關機。
跟住我就拿部電話上去謝X記度同拒地講﹐拒地叫我擺低﹐2個鐘之後打比我﹐我等夠3個鐘﹐都收唔到拒地的電話﹐然後我就打去問﹐拒地又叫我等2-3日。
如是者﹐ 我又等左3日﹐ 拒地仍然一個電話都無。我再打比拒地﹐一系就無人聽﹐一系就飛落call 台....
再過多幾日﹐已經係一個禮拜啦﹐拒地仍然一個電話都無打過比我!
我覺得點都有個交代丫! 講明 2- 3 日打電話同我講﹐但就一個星期都無一個電話黎。
跟住我再打比拒地﹐以下係我地的對話:
我﹕唔該想問之前擺左部 703SHF o係你地度﹐ 請問整返好未阿?
謝﹕未﹐可能系底板有問題
我﹕下﹖甘即系點﹖
謝﹕要找找有無底板換wor, 而且可能要加錢。
我﹕加錢﹖我個底板點會無端端有事﹖
謝﹕唔知wor, 用家點用我地唔知架wor.
我﹕我點用﹖我淨系用黎打電話咋wor!我都好少用裡面D咩function.
謝﹕甘你打去維修部問下啦﹐電話係 9106 XXXX.
我﹕ ok 唔該 bye
跟住我再打去維修部問﹐拒地就話未返到公司﹐叫我遲D再打去。
我真係好嬲! 對謝X記好失望!
1. 拒地的電話賣得貴過出面好多﹐我買係因為認為有保證。
2. 我自問對個電話好愛錫﹐平時都好小心用﹐硬件無端端有問題﹐我覺得係我初初買部機返黎時已經潛在的問題﹐我問過一D朋友﹐解鎖如果做得求其﹐都會整壞底板。
3. 所謂的一年保養﹐唔係淨係保軟件阿?!! 甘同在先達買機有乜分別??!! 在先達買機﹐硬件壞左都系要比錢整﹐軟件就唔洗﹐仲要平好多。拒地貴甘多我都買﹐無非只系貪保養。
4. 無交帶! 應承左 2 -3 個鐘回覆﹐結果無左回事﹐又再應承 2 -3 日覆﹐又無左回事。一星期都無個電話黎跟進! 淨係得個拖字! 甘無交帶﹐真係同先達買機毫無差別!
5. 好地地用一部電話﹐正常o甘用﹐又從來都無跌過落地下。依家話硬件有問題﹐好正常應該要有免費保養及維修。否則﹐我不如去先達買! 因為在謝X記度買電話都係不外如是!
經過呢件事﹐我認為謝X記所謂信心的保證只係卓頭! 係任何一度地方買機都係一樣﹐甘就不如唔好在謝利記度買! 反正貴一甘多! 不知所謂!
價錢貴過人﹐做的功夫自然就要多過人﹐否則呢間公司係不值一提!
我真系對拒地非常失望! 我會同我所有朋友講唔好再幫襯謝X記!
Very Disappointed!
我只想發表一下個人經歷,希望大家不要中計
1) 好快x少就親自follow 呢單野﹐拒比我的promise, 我系非常甘滿意﹐但我應承左拒我唔會公開呢個settlement, 所以我唔會在此公開﹐講得出做得到﹐除非拒地出爾反爾。
希望.會守諾言﹐盡快搞掂件事啦。
2) 謝x記說 : 小店睇過個 post ,亦都對703shf 個事主深表同情.但小店亦都清楚註明保養條文,售賣該款手機只包一年軟件保養,”零件另計”. 事實該手機亦因為 FS (File System)
出問題, 所以不能單單用軟件去維修!
而這段時間因小店缺乏人手,所以未能為閣下服務,深表歉意. 並會積極提升服務水平!
就 x少向閣下提出的承諾, 因 x少是未經本公司授權而作出, 所以本公司絕對不會兌現未經公司授權之承諾! 而且該行為亦破壞一貫的服務合約! 同時亦對其他顧客不公平!
就這件事, 由即日起, 一切 x少之言論或所有華洋轇葛與我 ”謝x記”無關!
而有關 chingching 之手機事宜, 請直接聯絡 謝x記 9433 1563.
3) 苦主說 : 沉日對我的諾言﹐jexxy kee 今日就唔認數!
計我話﹐拒地兩個根本就扯貓尾!
lmy, 你講得無錯! 係 total loss!
$2980 全部無晒!
如果要整返個電話﹐要比 $800 零件費!
不知所謂的服務!
謝x記根本無資格收得甘貴!
因為拒地比唔到人應該有的service!
根本同先達係無分別的! 先達仲平D添﹐去先達買啦~
x少同我講無問題﹐我諗都只係安撫住我先。
ok la~ 依家﹐我實會將呢件事公諸於世!
以後唔會再o系jexxy kee 度買機啦!
一D保障都無!!!
jerry kee 憑咩收得貴過人?
4) 謝x記公開聲明沒有承認有過x少記這手機代理存在,而x少亦被解僱
大家小心中計
內文搜尋
從 APP 打開
X